fredag den 15. marts 2024

ALLIR LUKTIR ØRKYMLA MÍN STAÐARSANS

 

 


                             Kemur fyrsta dagin í bókasølubúðirnar. Og                                                              netsølubókabúðirnar.

 

 

                                                    *

lørdag den 10. februar 2024

TÚ SUM IKKI SÆST Í MÍNUM LJÓSI

 


 

 

                                tú sum ikki sæst í mínum ljósi

                                liggur í einum vetri og tigur

                                heldur um eina følnaða rósu

                                tá tú umsíðir reisir teg og sigur

 

                                at alt tað tú sær er ikki bara myrkur

                                tað tú følir er ikki bara kuldi

                                vilji hugans er altíð góður styrkur

                                tá eg vermi meg við eini huldu

 

                                sum kemur úr einum øðrum heimi

                                har loyndirnar eru hitakeldur

                                eg merki tað tá eg aftur sveimi

 

                                gjøgnum glærar lygnir og aftur sanni

                                at hjartað er bert ein lítil eldur

                                sum tá eg á fyrsta sinni fann teg

 

 

 

 

 

                                                                                    *

torsdag den 8. februar 2024

HER BÝR EIN

 


 

                                                                        

 

                                                                         dagsskrá:

 

                                                                        nakkasjónin

                                                                        nasastúran

                                                                        moldarlívið

                                                                        lungnasjógvur

                                                                         

 

                                                                        ein sparkari

 

                                                                        fór gjøgnum


                                                                        sinnið

 

                                                                        boðini sum

 

                                                                        lívga lygnini 


                                                                        tann ísakaldi


                                                                        veruleikin


                                                                         leikar í


                                                                        dansandi 

 

                                                                        myrkri



                                                                            *

tirsdag den 14. november 2023

BÓKADAGAR


 

 

                                                            bókaklikudagar

                                                            klikubókadagar

                                                            klókabiksdagar

                                                            krókamikudagar

                                                            dagbókaklikudagar

                                                            bakbókaklakadagar

                                                            bakklókirklikkaðirdagar

                                                            bókabikíbuksunumdagar

                                                            bókakulkidagar

                                                            bókakrukkuhalgidagar

                                                            brókaleysirbókaskulkidagar 

                                                            bókaleysirdukkukrukkudagar

                                                            bókabrilludilludulludelludagar

                                                            bókaklikudagbótadagar

                                                            krókídintilsklókardagar

                                                            vikuklikuskiftisbókadagar

                                                            skiftisvikubólkadagar

                                                            bókaklintribeklidagar

                                                            klingrubóladagar

                                                            lókutirklinkudagar

                                                            bókablinkandidagar

                                                            bókasnaddusmikridagar

                                                            jólaklinkublinkudagar

                                                            klikulókutirdagar

                                                            klinkuvinkubókadagar

                                                            bókalókutirdagar

                                                            kókibókakringludagar

                                                            bakibókakókiklikudagar

                                                             

 

                                                                            *

                                                            

søndag den 8. oktober 2023

Á V E G I S


 

                                    Kemur í bókahandlarnar tann 16. november.

 

                                    Kanska ein krimiskaldsøga.

 

                                    Kanska ein andalig bók um vekingarrørslurnar                                              sum fekk øll at sovna.

 

                                    Kanska okkurt triðja ella fjórða.

 

 

                                                        *

torsdag den 5. oktober 2023

STØÐA; HÓSDAG

 

 


 

 

 

                miðlarar knarra um miðlar

                og tað miðlast tað so um

 

                karmarnir eru alt

                innihaldið einki

 

                hví fanin kemur fanin ikki í tey 

                og hví fara tey ikki út um allar geilar

                og geyla og rópa og rætt og slætt

                fortelja øllum hvat tey kunnu gera

                og meir enn tað til dømis + okkurt nýtt

                og sum øll bíta á eisini sjálvt um

                onkur koppur brotnar

 

                toga heldur originalar

                inn í upptøkuhølini

                enn hesi kopiini

                sum eru allastaðni

     

               eg meini ikki at tey skulu larma sum í frímælt

                har ringt er at hoyra hvat ið verður sagt

                tað ljóðar ofta sum um 10 stk jacob vestergaard

                eru í upptøkuhølinum og rópa í holið hvør á øðrum

                men teir 10 fáa ongan kopp at brotna

                og einki nýtt er at frætta

                frammanundan er ljóðgóðskan ikki góð

                so tú mást spola aftur 10 ferð

                og so móti endanum skal hvør geylari forteljari

                hvat hann skal gera í vikuskiftinum

                tað er heldur ikki áhugavert

                eins og tað er at hesin miðil

                einki leggur út í vikuskiftinum

                so hetta man vera ein frítíðarmiðil

                sum einki tímir í frítíðini

                

                


                (framhald)



                                            *

onsdag den 20. september 2023

STØÐA; TÝSDAG

 


 

 

 

 tað hendi ikki so nógv týsdag

andstøðan vildi hava sáttmálan við russar í tingið aftur

tí teir vilja so illa sleppa at stuðla putin og hansara álopskríggi

andstøðuni dámar so væl at nógv ukrainsk børn verða dripin

tað gevur henni eitt slag av religiøsum fulnaði

so kunnu fólk aftur fáa ókeypis fish and chips á sjómannadegnum

og børnini fáa túr við brandbilinum og ikki minst

at tey vaksnu í framtíðini sleppa at royna nýggja skannaran

sum tey ikki høvdu fingið

um tey ikki stuðlaðu hópdrápsmanninum í kreml

og øll eru so glað fyri vatnkríggið á vágni

næstu ferð verður reyður fruktlitur koyrdur í vatnið

so tað líkist ordiligum kríggi akkurát sum tað hjá putin